"ბრიჯ - ინოვაცია და განვითარება"

ბრიჯ - ინოვაცია და განვითარება“ (ბრიჯი) საქართველოში მოქმედი სწრაფად მზარდი ადგილობრივი არასამთავრობო ორგანიზაციაა, რომელიც აქტიურად მუშაობს ქვეყანაში სიღარიბის და გაჭირვების დასაძლევად.

„ბრიჯი “2015 წელს საქართველოში დიდი ბრიტანეთის საქველმოქმედო ორგანიზაცია „ოქსფამის“ მხარდაჭერით დაფუძნდა და ახორციელებს პროგრამებს სოფლის მეურნეობის და სოფლის განვითარების, გენდერული თანასწორობის გაძლიერების და განსაკუთრებულად სოფლად მცხოვრები ქალებისა და ახალგაზრდების უფლებების დაცვის და ბუნებრივი კატასტროფების რისკის შემცირების მიმართულებით, ქვეყანაში სიღარიბის შემცირებისა და ეკონომიკური ზრდის სტიმულირების მიზნით.

ჩვენ ვიყენებთ პრაქტიკულ ცოდნასა და უნარებს ადვოკატირებისა და პოლიტიკის მონიტორინგის სფეროში, ასევე სხვადასხვა პოლიტიკის დაგეგმვისას მოსახლეობის ღარიბი ფენების ინტერესებისა და გენდერული ასპექტების ინტეგრირების გამოცდილებას. ამასთან, საგანგებო ყურადღებას ვუთმობთ სხვადასხვა სტრატეგიების „ქვევიდან ზევით“ შემუშავების პრინციპს, ადგილობრივი აქტორების პოტენციალის განვითარებას, მათ გაძლიერებას და მეტად ჩართულობას მიმდინარე პროცესებში.

 

ჩვენი გუნდი



სიახლეები

International Disaster Risk Reduction Day (ka)

International Disaster Risk Reduction Day (ka)
13 ოქტომბერი 2019

კატასტროფის რისკის შემცირების საერთაშორისო დღე

2019 წლის 13 ოქტომბერს თბილისი მოლში ბრიჯ ინოვაცია და განვითარებამ, საგანგებო სიტუაციების კოორდინაციისა და გადაუდებელი დახმარების ცენტრთან, საერთაშორისო და ადგილობრივი არასამთავრობო ორგანიზაციებთან ერთად „გადავარჩინოთ ბავშვები, საქართველოს წითელი ჯვრის საზოგადოება, არბაითერ-სამარიტერ-ბუნდი, მიგრაციის საერთაშორისო ორგანიზაცია, სენი - კავკასიის გარემოსდაცვითი არასამთავრობო ორგანიზაციების ქსელი, კატასტროფის რისკის შემცირების ცენტრი და საერთაშორისო ასოციაცია „კივიტას გეორგიკა“ და სხვა კატასტროფის რისკის შემცირების საერთაშორისო დღე აღნიშნა.

კატასტროფის რისკის საერთაშორისო დღე წელს უკვე მეხუთედ აღინიშნა და ღონისძიება მიზნად ისახავდა კატასტროფის რისკის შემცირებისა და მასზე რეაგირების მიმართულებით საზოგადოების ცნობიერების ამაღლების ხელშეწყობას საქართველოში. ღონისძიებაზე მოსულმა სტუმრებმა სხვადასხვა სახის გასართობ და შემეცნებით აქტივობაში მიიღეს მონაწილეობა.

მონაწილე ორგანიზაციებმა წარმოადგინეს მათ მიერ კატასტროფის რისკის შემცირების თვალსაზრისით გაწეული საქმიანობის ამსახველი პუბლიკაციები, კვლევები, ვიდეო რგოლები.

ბავშვებისთვის დაიდგა საცოცი კედელი, სადაც საგანგებოს სიტუაციების სამსახურის მეხანძრე მაშველები უსაფრთხოების დაცვის სათანდო ზომების დაცვით ეხმარებოდნენ ბავშვებს სიმაღლის დაპყრობაში,მონაწილეებს საშუალება ჰქონდათ საგანგებო სიტუაციების მართვის სამსახურის მეხანძრე-მაშველების მიერ იმიტირებულ სამაშველო ოპერაციასაც დასწრებოდნენ, მიეღოთ მონაწილეობა და დაეთვალიერებინათ მეხანძრე-მაშველების ტექნიკა და მათი სრული აღჭურვილობა.

კატასტროფის რისკის შემცირების საერთაშორისო დღე გაეროს გენერალური ასამბლეის გადაწყვეტილებით 1989 წელს დაარსდა და საქართველოში 2015 წლიდან აღინიშნება.

მონიტორინგ ვიზიტი წალკის მუნიციპალიტეტში

  2019 წლის 24 სექტემბერს ბრიჯ-ინოვაცია და განვითარების... ვრცლად

საქართველოს ფერმერთა კონგრესი

საქართველოს ფერმერთა კონგრესი -ადგილობრივი საბაზრო... ვრცლად

მობილიზაციის დღეები წალკის მუნიციპალიტეტში

2019 წლის 20 მარტს ბრიჯ-ინოვაცია და განვითარების გუნდის... ვრცლად